Son
O eco do que fun
E un berro rebelde do que serei.
Gustaba
Do olor do céspede acabado de cortar
De pasear sen paraugas mentres chovía
E de romper a cortiza que caía dos álamos.
Non gustaba
Do barullo baleiro e insoportábel
De que lle levasen a contraria
Nin de pensar que o seu destino non fose seu
Debaixo da ducha
procuro desfacerme de todo o que son,
intento arrincarme a pel,
como as serpes.
Porque o fedor que desprende
a miña pútrida alma
resúltame repulsivo incluso a min.
Non sei quen son
Non sei quen quero ser
Pero sei
que non
quero
ser
EU